Ali apni pupho kay sath Lahore mein reh raha tha. Us ki pupho aik bewa aurat thi jinka sirf aik beta tha magr Ali ko b wo apne bete se kam nahi samjhti thi. Un ka taluq balochistan kay ik qabile se tha. Khandani dushmani ki waja se Ali kay parents ka tab murder ho gya jab wo 5 sal ka tha. Us kay chacha jo in dino Quetta mein rehaish pazeer the unho ne usy pala tha or kabi bhi usy ye mehsoos nahi hone dia tha kay wo bin maa baap kay hai. MBA kanre kay liye wo abi Lahore mein apni pupho kay pas shift ho gya tha. Us kay chacha ki do betian thi Mehlab or Mehtab. Un ki bari beti Mehlab Quetta kay ik medical college mein student thi. Haal hi mein Ali or Mehlab ki mangani hui thi. Is mangni mein sab ki raza shamil thi siwae Ali or Mehlab kay.
Mehlab ko apni khubsurati pr bht naz tha. Usy khud jesa koi dikhai na deta tha or wo yehi samjti thi kay is dunya mein koi bhi usy kabi bhi reject nahi kar sakta. Ali mein usy koi dilchaspi nhi thi magr jab usy ye maloom hua kay Ali ne mangni se inkar kar dia hai to us se rishta jorna apni zid samaj li. Ali ko Mehlab buri nahi lagti thi magr us ne kabi usy is nazar se dekha nahi tha or na hi uski zindagi mein koi or larki thi. Sab ghar walo kay israr par us ne Mehlab se mangni kar li. Mangni ki rasam kay kuch din bad uski pupho Sadaf apne bete Shahzain kay sath Lahore wapis aa gai thi.
Aj Ali apni mangetar ko hostel chor kar Lahore aya tha. Wo ghar mein dakhil hua to samne usy apni pupho kay pas bethi aik larki dikhai di. Us ne safeed rung ka libas zaib e tan kia hua tha or sir par halkey gulabi rung ka dubata tha. Us kay bal bandhe hue the or sayah kale balo ki aik gangriali lat us k chehre par thi. Wo muskra kr batein kr rhi thi.
Ali sofe kay qareeb gaya or apni pupho ko salam kia. Wo aik lamba taranga halki halki si dhari wala khubsurat jawan tha. Amber ne usy dekhte hi apne bal piche hatae or dubata puri tarah se sir pr le lia.
"Aa gaye beta! Mehlab ko chor kr?" Unho ne us k kandhe par hath pherte kaha.
"Ji pupho! bht thak gaya hu. Aram karna chahta hu." us ki awaz se uski thakawat mehsoos ki ja sakti thi.
"Khana kha lo phir so jana...!
"Nahi mein kha chuka hu." us ne piche ki trf qadam barhate kaha.
Un ki nazar Amber par pari to unho ne Ali say us ka taruf karwana chaha.
"Beta ye Amber..." is se pehle k wo bat mukamal krti wo sirio k qareeb pohnch gaya.
Amber ko us ne ik bar b na dekha. Usy Ali kay rawaye pr kafi herangi hui. Amber kay father ki army se retirement kay bad wo abi hi Lahore mein shift hue the. Sadaf ko Amber ki family bht sulji hui lagi. Wo apne bhai ki ikloti behen thi jo kay aik Businessman tha. Uski bhabi or ami ki bhi apas mein bht banti thi or us kay batije Hanan or Ali kay cousin Shahzain ki bht achi dosti ho chuki thi. Wo dono ik hi class mein parhte the.
Amber FSc kar rhi thi magr is kay sath sath usy shayari ka bhi bohat shoq tha.
Kafi dair sone kay bad jab Ali ki ankh khuli to us ne apna mobile dekha. Wo din mein soya tha or ab raat ho chuki thi. Mobile dekhne kay bad wo utha or apne kamre ki khirki kay pas gaya. Us ne parda hataya to samne wali khirki mein Amber apne kamre mein bethi kuch likh rhi thi. Us kay bal khule the or wo bht shoq se pyar se likh rhi thi. Ali ka hath parda hatate hatate ruk gaya.
Thori dair bad jab Amber ne apne kamre ki light off ki or bahir chali gai us ka dehan Ali ki taraf gaya nahi tha. Jab us kay room ki light off hui to Ali ko ahsas hua kay wo isi dunya mein hai.
Waqt guzarta ja rha tha Amber apne batije Hanan kay sath aksar Sadaf kay ghar ati thi. Aik roz Sadaf Amber ki bhabi or ami kay sath shopping par gai thi.
Hanan apne dost Shahzain kay ghar par tha. Shahzain se khelte hue wo sirio se gir gaya to Ali usy hospital le gaya. Jab wo ghar aya to Amber ka dil bhar gaya us ne usy apni baho mein daboch lia or rone lagi ye b bhool gai kay Ali bhi samne hi khara tha. Us kay ansu to Ali kay dil par gir rhe the mgr us ne mehsoos na karwaya or khamoshi se jane laga. Us kay qadam piche ko jate dekh kr wo uthi.
"Sunein! Shukria...!" Us ne kaha or Ali muskrate hue chala gya.
Amber pehle socha karti thi kay bus Ali ik bigra hua nawabzada hai kyu kay us ne aksar usy mulazmo par chikhte chilate dekha tha magr aj jab us ne Hanan ko ghar chora to uska dil Ali k liye kafi had tak saf ho gya tha.
Kuch dino bad wo Hanan kay sath un kay ghar gai to Ali bhi ghar par hi tha. Usy dekh kr bht khush hua. "Aunty kaha hain?" Amber ne pocha.
"Apne kamre mein hain, aram kr rhi hain..!" Us ne btaya.
Amber uski bat sunane k bad khamosh ho gai. Usy samaj nhi aa raha tha kay kya kahe.
"Amber?" usy maloom tha kay iska nam Amber ha magr phr b bat barhane kay liye pocha.
"Han g" us ne muskrate hue kaha.
"Kya karti ho?"
"FSc kar rhi hu."
"Good!"
"Wo us din ap Hanan ko hospital le gye....apka bht shukria!"
"Amber ab shukria nahi kehna...!"
"Magr shukria sorry to dosti mein nahi kehte." us ne masoomiyat se kaha.
"To thik ha ab tumare is sukria ki waja se dosti kr lete hain." Wo muskraya.
"Hanan yehi hai...mein chalti hu." Wo uski bat an suni kar kay chali gai.
Jab se Ali apni cousin Mehlab ko chor kay aya tha us ne khud se kabi usy call nahi ki thi. Aik do bar us ne hi call ki magr Ali ne zyada bat na ki. wo is par kafi guse mein thi.
Ali ab Amber ki waja se kafi heran or pareshan tha. Aj tak koi bhi larki us kay dil mein apne liye jazbat nahi jaga pai thi. Bht si larkiyan uski dolaut or atitude se mutasir ho kar us kay agey piche phirti thi magr us ne kabi kisi par dehan hi nahi diya tha.
Aj wo khirki kay pas khara Amber kay room ki taraf dekh raha tha. Us kay kamre ki light off thi.
"Mein kyu intazar kar raha hu uska?" Us ne khud se sawal kia. "Wo lagti kya ha meri jo mein uski ik jhalak dekhne kay liye din raat bechain rehta hu? Meri mangni Mehlab se ho chuki ha. Mehlab! Dilawar chacha ki beti hai jinho ne muje baap ban kar pala hai. Mana kay mein Mehlab ki zid hu muhabat nahi magr Amber se muhabat......Nahiii kabi bhi nahi....mein apne chacha ki nafarmani kabi nhi kar sakta...!" Us ne khirki ka parda agey kia or apne kamre ki light off kr di.
Ab wo Amber kay zikar se bhi chirne laga tha. Subah nashte kay table pr Shahzain Amber ki tarifein kiye ja rha tha. Ali kab se bardasht kar raha tha magr ik wqt mein aa kr uski bardasht jawab de gai.
"Bus kar do Amber nama parhna....koi or bat nahi ati tumhein...!" Us ne guse se kaha.
Shahzain us se naraz ho gaya magr us ne usi din usy razi karne kay liye dhero video games usy gift kar di to wo bht khush ho gya.
Us kay is rawaye par uski pupho Sadaf ko bht herangi hui. "Ali! kya bat hai? Aj subah..."
"Kuch nahi pupho! bus youn hi gusa aa gya tha. Rat ko thik tarah se so nahi paya tha to is liye.." Wo jawab de raha tha kay us k mobile par Mehlab ki call ai. Mobile pr Mehlab ka nam dekh kr us kay chehre par gusa or bezari ayan thi.
"Kaha ho? kabi khud bhi call kar lia karo..!" Mehlab ne guse se kaha.
"Mein tumhein bad mein call karta hu..." Us ne phone rakh dia.
"Ali! tum is mangni se khush to ho na?" Sadaf ne pocha.
"Pupho mene Mehlab kay liye kabi kuch aisa nahi socha tha is liye muje thora ajib lagta hai ye rishta...!"
"Koi bat nahi. Ye tumhare chacha ki khaish hai. Mehlab to pariyon jesi pyari ha or bht zaheen or achi bhi hai. Tumhein us se behtar larki nahi mile gi. Ahista ahista sab thik ho jaye ga." Unho ne tasali di. "Or usy khud bhi call kar lia karo. Jante ho gusa bht ata hai usy...!"
"Ji pupho...!" Wo mazid kuch na keh saka.
Usy Amber dikhai deti rehti to wo chirta rehta. Us kay liye apne jazbat dafan karne kay liye wo kuch dino kay liye Quetta chala gaya.
Waha ja kar ik do din to wo apne chacha kay sath shikar par jata raha. Wo bht maharat say Houbara bustard ka shikar karta tha. Aj wo shikar se ghar aya to uski chachi ne usy kaha kay Mehlab ko phone kar kay kahe k wo bhi yaha aa jaye.
Us ne unka kehna mante hue aisa hi kia. "Tum kyu nhi aa jate muje lene." Mehlab ka jawab aya.
"Mehlab! mein Lahore se itna safar kar k aya hu. Ab mein tumhein bhi lene au? Chacha driver bhej dein ge aa jana." Us ne jawab dia or uski bat sunte hi Mehlab ne phone rakh dia.
Kafi din se Ali kay room ki light off dekh kr Amber kafi pareshan thi. Na chahte hue bhi uska Ali ki taraf dehan chala jata tha.
Shahzain un kay ghar aya hua tha. Aise mein us kay mobile pr Ali ki call ai or wo us se batein karne laga. "Areay! tum logo ne kitna bakhair dia hai sab kuch." Amber TV lounge mein ai. Itne dino bad uski awaz Ali ne suni to na jane kyu uska us se bat krne ko ji chaha. "Amber se bat karwao..." us ne Shahzain se kaha.
"Kon ha?" Shazain ne uski trf mobile barhaya to us ne pocha.
"Ali bhai...!!" wo ik pal k liye to mobile hath mein pakar kr soch mein par gai kay bat kare ya na kare magr chunke wo usy itne dino se dikhai nhi de rha tha to kheriat maloom krne k liye us ne mobile kan se lagaya.
"Kesi ho?" Uski awaz kanp si gai.
"Thik hu...or ap?"
"Mein bhi...!" Us ne kaha. "Wapis aa jau?" Ali ne pocha.
"Jiii? jese apko munasib lage."Amber us kay sawal par heran ho gai.
"Ok! ab nahi au ga kabi bhi Lahore."
"Mene aisa to nahi kaha."
"To phir aa jaun?"
"Aa jaein..." Wo or kehti bhi kya.
"Kal hi ata hu. Apna khayal rakhna."
Aj us se bat kar kay wo bht heran thi. Kuch tha jo usy Ali ki taraf khenche ja rha tha.
Part 2
Mehlab ne apni ami se Ali kay rawaye ki shikayat ki.
"Ali beta! tum ja kar Mehlab ko le ao. Us ki farmaish hai or acha bhi hai na kay tum dono sath waqt guzar lo ge." Wo abi ghr mein dakhil hi hua tha kay uski chachi Afia ne us se kaha.
Wo un ki bat sun kar foran gari ki taraf barha. "Driver le jao Ali or bodyguard bhi...!" Unho ne kaha.
"Nahi! iski zarorat nahi."
"Darwaza kholo..." Us ne ik mulazim ko hath kay ishare se kaha. Is waqt wo safaid kameez or balochi shalwar mein malboos tha or sir pr us ne balochi pagri pehan rakhi thi.
"Ji Nawab sahab!" uska mulazim sir hilate hue darwaze ki taraf chala gaya.
Sham hone ko thi. Wo ghar se nikla or uskay college ki taraf chal nikla jo kafi door tha. Uski gari mein radio hi chalta tha. Music se koi khas dilchaspi nahi thi usy magr aj jab halki halki sham ho rahi thi to radio par songs laga liye. "Sanu ik pal chain na awey sajna tere bina...!" Nusrat Fateh Ali khan ki awaz mein gana baj raha tha. Jab wo ghar se nikla tha to kafi guse mein tha magr ab behtar tha. Amber ka khayal ab usy uljata nhi tha balkey usy muskrane par majboor kar deta. "Muhabat gunah to nahi magar wo itni darpook or shy hai kay shayed kabi iqrar na kare. Masoomiyat to jese khatam hoti hai us par. Magar us se muhabat bhi to Nawab Ali Murad khan ko ho gai hai. Mein chacha ki bht izat karta hu magar jaha bat muhabat ki aye waha mein kisi ki nahi sun sakta." Us ne socha.
Mehlab kay hostel kay qareeb pohnch kar us ne usy call ki. wo niche ai to uski ik dost bhi us kay sath thi. "Hayee! kitna pyara ha....!" Uski dost Naila ne door khare dekh kr kaha.
"Hi Ali!" wo dono us kay pas ai jo gari kay pas khara tha. "How are you?"
"Acha nahi hu mein." Us ne Naila ko jawab dia.
"Tum itni dair se kyu ai ho niche?" Mehlab ki taraf dekhte hue pocha.
"5 min intazar karne se kuch nahi ho jata."
"Ok! have a safe journey mein to chalti hu ab." Naila ne un dono ko sanjida dekh kr kaha.
Gari mein bethne kay bad dono kafi dair tak hamosh rahe. "Tum koi bat kyu nhi karte. Tumhari gari mein to koi music bhi nahi ha. Bht boring ho tum."
"Agar mein tumhein itna hi boring or rude lagta hu to mangni kyu ki ha tum ne mere sath?"
"Kyu kay ye hamare baro ki bhi marzi hai."
"To tumhein apne baro ki marziyon ka kab se khayal hone laga? or ye tum har bat par bacho ki tarah ami abu ko kyu shikaytein lagati ho. Tumhein masla kya ha?"
"Stop it! Had hoti ha. Muje nahi jana tumhare sath. Gari roko." Wo guse se bholi.
"Chup kar kay bethi raho. Koi shoq nahi ha mujhe tumare sath bethne ka na hi koi dilchaspi ha muje tum mein magr is wqt tumhein ghr chorna meri zimadari hai is liye khamoshi se bethi raho." Us ne uska bazu pakar kr usy jhanjora jab wo bar bar darwaza kholne ki koshish kar rahi thi.
Is kay bad wo kafi dair tak roti rahi or phir so gai. Ali ne usy soye dekha. Us kay khubsurat chehre par us kay kale bal gir rahe the. "Kash is ka dil bhi is ki shaqal ki tarah khubsurat hota." Us ne socha.
Ghar kay agey pohnche to raat ho chuki thi.
"Sab soye houn ge is waqat. Khamoshi se jao or so jao. Mein Lahore ja raha hu bht zarori ha." Us ne Mehlab se kaha.
"Bhar mein jao meri taraf se tum!" wo zor se gari ka darwaza band kar kay chali gai.
"Mukhtar khan! Mere sath chalo airport tak. Gari wapis le ana." Us ne ghar kay darwaze kay qareeb hi khare apne dirver se kaha.
Us ne airport tak gari khud drive ki or apna mobile off kar dia.
"Nawab sahab agar Nawab Dilawar apka pochein to mein kya kahu?"
"Tum apne kam se kam rakho. Zyada sawal karne ki zarorat nahi. Mein khud bata du ga chacha ko." Us ne apne rob dar lehje mein kaha.
Jab wo Lahore pohncha to abhi raat hi thi. Uski achanak amad par uski pupho ghabra gai magr Ali ne unhein tasali di kay sab kuch thik hai or wo aram karna chahta hai.
Apne kamre mein jate hi us ne khirki se parda hataya or aik lamba sans lia us kay bad Amber ko call milai.
Amber ka subah biology ka paper tha parhte parhte wo kitab par hi sir rakhe so gai thi. Usi table par thi jo samne khirki mein nazar ata tha. Aik bar call karne se usy parwah bhi na hui. Ali ko kamre ki light on dikhai de rahi thi magar chunke khirki kay agey parde the to usy andar se kuch dikhai nhi de rha tha.
Us ne dobara call milai. Is bar Amber ki ankh khul gai or us ne sir mein shadeed dard mehsoos kia. Mobile par dekhe bina us ne call attend ki.
"Amber!" Ali ki awaz ai jo wo pehchan na saki. "Amber! utho...!"
"Kon?" Us ne jamai lete hue pocha.
"khirki kay samne ao." Ali ki bat sun kar wo pehchan gai kay ye kis ki call thi. Wo chonk gai or dar b gai.
"Ap...ap... aa aa gaye ap?" Wo apni chair se khari hui.
"Han! tum ne kaha tha kay aa jao. Sab ko naraz kar kay aa gaya."
Wo ahista se khirki kay qareeb gai or thora sa parda hataya. Jab us ne Ali ko samne khare dekha to dobara parda agey kar dia.
"Daro nahi Amber! Bohat zaroori bat karni hai or mein chahta hu kay jab mein bat kar raha hu to tum mere samne ho."
"Ap kya kehna chah rahe ho. Ap chahte kya ho mujse? Adhi raat ko ap muje call kar kay keh rhe ho k ap Quetta se mere liye sabko naraz kar ke aa gye ho hala kay mene to bulaya bhi nahi tha apko...!" Usy ye sab bht ajib laga.
"Janti ho kyu?" Ali ne pocha.
"Kyu?" us ne foran pocha.
"Khirki kay samne ao...chand bohat pyara lag raha ha. Aa kar apna chand dekh lo muje bhi mera chand dekhne do." Us ne dhirey se bola.
Amber ko to chand hamesha se hi bht pasand tha. Wo khirki kay qareeb gai. or parda hata dia. Aj pura chand apni abo tab se chamak raha tha.
"Chand nazar aya?"
"Han..." us ne btaya.
"Muje b aa gaya hai nazar. Janti ho kyu sab ko bataye bina aa gaya hu? Kyu kay log jise muhabat kehte hain wo muje tum se ho gai hai." Us ne Amber ki taraf dekhte hue bola.
Ye sun kar us kay hath say parda gir gaya or wo khirki say piche hat gai. "Kesi batein kar rahe ho ap? Aisa kuch nahi hai. Aisa nahi ho sakta. Ap aisa nahi socho..." wo ghabra gai.
"Chup! Ghabrao nahi mein sab sambhal lu ga. Sab ko mana lu ga. Tum bus mera hone ki tayari karo." Us ne phone rakh dia.
Amber heran ho gai. Wo nahi janti thi kay Ali is attraction ko muhabat ka nam bhi de sakta ha.
********************************************************
Part 3
Subah Amber apne
college gai to uski ankhein nhi khul pa rahi thi. Ali ki bat sunane kay bad usy
raat bhar nind nahi ai thi magar Ali apne dil ka bojh halka kar kay sakoon se
dair tak soya raha.
Us ne
apne chacha ko call ki to wo kafi naraz the us se. Mehlab ne sabko ro ro kr
uski be rukhi kay bare mein bataya tha. Us ne wada kia kay wo exams kay bad
wapis aaye ga to sab ka gusa kam ho gaya. Mehlab se bhi uski bat hui usy bhi
Ali ne kafi had tak mutmain kar dia.
Ab wo
Amber ko roz message krta tha shiru shiru mein to wo koi jawab nahi deti thi
magar Ali ki batein aesi hoti kay wo jawab dene par majboor ho jati. Pehle wo
majboori mein jawab deti magar ahista ahista wo Ali kay bht qareeb hoti ja rhi
thi.
Aik
din Ali ne apni khirki se usy namaz parhte dekha. Aur phir jab us ne namaz
khatam ki to us ne Amber ko call milai.
“Tum
namaz kyu parhti ho?” hal wal pochne kay bad us ne pocha.
“Faraz
hai or wese bhi Allah se ik rabta sa rehta hai. Mehsoos hota hai kay koi hai jo
muje sunane wala hai or jis se mein apne masle apne raaz share kar sakti hu.”
Us ne bataya.
“Mein
to nahi parhta…!”
“Chalo
parh kar dekh lein.”
“Tumhein
mangu ga khuda se…”
“Ye
meri khush qisamti ho gi kay koi apni dua mein muje khuda se mange….”
“kya
matlab koi?” wo aksar usy tang karne kay liye aesi batein karta.
“Matlab
ap….” Wo halkey se sharmate hue kehti or Ali hasney lagta.
Shahzain
kay birthday par Ali or Amber ko muskra kr dekhte uski ami kafi pareshan hui.
Uski bhabi aksar apne aik cousin kay liye Amber kay rishte ki bat karti magr
uski ami taal deti lekin aj Amber ko Ali kay sath be taqalufi se batein karte
dekh kar unhein bht fikar hui.
Amber
ki ami Humaira ne uskay abu Riaz Ahmad se bat ki or kaha kay ab Amber ko beha dena
chahie. “Mein to khud bol raha hu kab se…Betion ko waqt par hi un kay ghar bhej
dena chahie. Din ba din zyada pyari lagne lagti hain phir dil nahi karta unhein
khud se alag karne ko.” Unho ne jawab
dia.
Raat
ko halki halki barish ho rahi thi or Amber ne barish par ik nazam likhi. Ab wo
aik diary bana rahi thi jis par wo sari nazmein Ali kay nam likhti thi.
Jab bhi kabi barish hoti ha
Mein paani kay katroon ko
Apni hathelion par panah deti hu
Mein dekhti hu kay kaise
Wo chand karte
Mere hatho par girtey hain
Or phir
Meri muthion mein fana ho jate hain
Bilkul wese hi jese
Mera wajood teri zaat mein fana ho gya ha
“Amber ko aj tak ye maloom nahi kay meri mangani ho chuki
hai. Agr mein usy phone pr ya message kr kay bataunga to yaqeenan wo mujse
rooth jaye gi. Ye bat usy bata deni chahie or wo bhi us se mil kar…” Ali ne
than li. Usy ye bhi maloom tha kay agar wo milne ka kehta to us ne inkar kr
dena tha. Is liye wo apni classes lene kay bad sidha Amber kay college chala
gaya. Amber apni sahelioun kay sath hastey muskrate hue bahir aa rahi thi. Gate
kay bahir Ali apni gari kay sath take lagaye khara tha. Uski ba rob shaksiyat
se Amber ki sahelian bohat mutasir hui magr usy dekh kr Amber ka gala khushak
ho gaya. “Tum log jao…!” Us ne apni dosto ko tab mana kar dia jab wo Ali say
bat karne kay liye agey barh rhi thi. “Acha.
Nahi karti hum tumhare nawab sahab se bat…khud hi kar lo…!” wo chalii gai.
Amber wahi khari rahi magar Ali us kay pas gaya. “Rang kyu ur
gaye mohtarma kay…!” us ne hastey hue
pocha.
“Ali! Apko yaha nahi
ana chahie tha.” Us ne apne bag ko zor se pakrte kaha.
“Amber! Bohat zaroori bat
karni hai. Youn hi nahi aya…!” Us ne sanjadgi se bataya.
Wo uski gari mein baith gai.
“Amber! Itna gusa na
karo muje hasi aa jaye gi…!” Us ne Amber ki taraf dekhte kaha.
“To ap hans lein. Apko pata bhi hai mein kitna dar jati hu. Agr
kisi ne dekh lia to…?” Uski peshani par
halka sa pasina tha.
“To kya ho ga? Tumhare ami abu ko pata chal jaye ga. To mein un se apni amant mang lu ga.”
“Wo nahi mane to?” us ne pocha.
“Mana lu ga….mein sab ko mana lu ga…tumhari family ko bhi apni ko bhi…! Tumhein fikar karne ki zarorat nahi.”
Wo darya e Ravi kay pas pohnche.” Tumhein daryaon nadiyon kay pas bethna bht pasand hai na! Ab hamare Lahore mein to samandar hai nahi Darya hi hai waha hi le aya tumhein. Boat mein betho gi?”
Us ne pocha.
“Areay nahii…Ap wo bat karein jis kay liye hum yaha ae.”
“Phir kya hua?” Us ne tajasus se pocha.
“Tum
ne aj tak meri ungli mein is angothi kay bare mein nahi pocha?” Us ne apni
ungli se ring utari.
“Matlaab….?”
Uski awaz kanp gai or uski aik ankh se ansu gir para.
“Mujhe
jab mehsoos hua tha kay mein bhi kisi ko muhabat karne laga hu to mujhe pehle
to khud par yaqeen hi nahi aya tha phir mein tumhein bhulane kay liye Quetta
chala gaya socha dur rahu ga to khud hi nikal jao gi dimag se pr tumhari
masoomiyat ne chain nahi ane diya. Or mein adhi rat ko sabko bin bataye wapis
aa gaya.”
“Magr
apki mangani ho chuki ha…Shadi bhi ho jaye gi.” Wo ro rhi thi.
“Han ho jaye gi. Magr sirf tum se. Tumhein
pata ha mein ne zindagi mein bht kuch dekha hai. Khoon kharaba, logo ki be
imaniyan,…magr tumhein to abi is dunya ki hawa bhi nahi lagi. Tumhein nahi pata
kay ye dunya kitni zalim hai aur mein tumhein dunya ki hawa lagne bhi nhi dena
chahta. Tumhari masoomiyat dunya ki nazar nahi hone du ga.” Us ne anghoti pakri or
Amber kay hath mein di. Wo ankho mein hazaro sawal or chand ansu liye Ali ki
ankho mein dekhne lagi.
“Isy
darya mein phenk do.” Us ne nafi mein sir hilaya to Ali ne dobara kaha. “Mein
Keh raha hu na kay sab thik kr du ga. Isy phenk do…!” Ali ne us kay hath se
apni mangani wali ring darya mein phenkwa di.
Part 4
Ali
ka rawaya mulazmo kay sath bhi kafi behtar ho gaya tha. Sab ki zaroriyat ka wo
pehle bhi khayal rakhta tha magar ab to sab se dheeme lehje mein bat karta aur
us ne namaz parhna bhi shiru kar di thi.
Amber
us se aksar farmaish karti kay wo balochi zuban mein chand fikre kahe. “Amber thu mana khuda se nazi khaso. Mi garoor
makaito…!” Wo sun kr muskra deti.
“Iska
matlab kya ha?” or phir pochti.
“Iska
matlab ha kay tum ne muje khuda kay qareeb kia hai or mera garoor khatam kia
ha.”
“Kitni mushkil ha na balochi…! Wo kehti.
“Nahi mushkil to nahi bus tum bari
nalaiq ho tumhein nhi aye gi shadi kay bad bhi…jab balochistan raho gi…”
“Waha
kay log kese hain?”
“Bohat
pyar karne wale or bht mehman nawaz . Jin se pyar karte hain un pr jan bhi
qurban kr dete hain.”
Amber
ki bhabi ne dobara apne cousin Arman kay bare mein uske khayalat poche. “Bhabi
mein unki bht izat karti hu magr aisa kuch nhi sochti.”
“Tumhein
sochna pare ga kyu kay ab to tumhare abu ami ki bhi yehi khaish hai.”
Apni
bhabi ki bat sun kar wo bht pareshan hui magar Ali se zikar na kia. Us se bat
hui to wo uski awaz se foran pehchan gaya. “Udasi ki waja?” Us ne pocha.
“Ap
kese keh sakte ho k mein udas hu?”
“Muje pata chal jata ha tum kab hasti ho
kab roti ho kab udas hoti ho…! Ab btao?”
“Ali! Ap apni pupho se jaldi bat kar
lein bhabi meri shadi apne cousin se karwana chahti hain.” Us ne bataya.
“Aisa kuch nahi ho ga. Mein aisa hone
nahi du ga.” Wo guse se bola.
“To
phir kuch karein na….!”
“Mein subah hi pupho se bat karu ga or
phr kuch dino mein Quetta jaun ga chacha se bat karne. Tum fikar nahi karo.”
“Or apni bhabi se kaho apne kam se kam
rakhein. Tumhare mamley mein na bolein.”
“Ali! Bhabi hain wo meri…unka haq banta
hai mere bare mein sochne ka…!” Amber ne jawab dia.
“Acha
tum kehna chah rahi ho kay wo thik soch rahi hain?”
“Aisa nahi kaha mein ne….!”
“Amber! Aisa kehna kya, aisa sochna bhi
na kabi…!”
Ali raat ko aram se so raha tha kay
uskay darwaze par dastak hui. Wo utha or darwaza khola. Samne uski pupho ro
rahii thii. “Pupho jan! kya hua? Ap ro kyu rahi hain?” Ali ne foran pocha.
“Bhai
ki tabiyet bohat bigar gai hai. Humein
subah hi Quetta jana ho ga.”
Part 5
Quetta
pohnche to apne chacha ki halaat dekh kr Ali bhi bohat pareshan ho gaya. “Mein
thiik hu..Ghabrao nahi.” Unho ne sab ko hosla diya. Kafi din guzar gaye Nawab
Dilawar khan ki tabiyet bhigarti ja rahi thi. Unhein dobara hospital mein admit
kar liya gaya tha. Amber ne kafi dafa Ali se rabta karne ki koshish ki magar wo
apne chacha ki waja se itna pareshan tha kay kisi se bat karne ko uska ji
nahi chahta tha. Aik rat wo akela hi hospital mein apne chacha kay pas betha
tha. Unho ne us se bat karna chahi. “Meri zindagi ka kuch bharosa nahi Ali
khan….Mehlab betiya se abi hi shadi kar lo apni chohti nawabzadi ko dulhan bane
dekhne ka to waqt nahi kam az apni bari sahabzadi ki hi zimadari puri kar du. Mere bad Mehtab ki shadi kisi ache se larke se karwa
dena ab ye sab tumhari zimadari hai.” Unho ne us se kaha.
Ali heran pareshan tha. Wo na han kar sakta tha na nafi mein jawab de
sakta tha. Wo koi jawab na de paya. “Ap fikar na karein…Ap ko kuch nahi ho ga.”
Us ne
sirf itna hi kaha.
Ali
ko gum sum dekh kar uski pupho ne us se bat ki. “Ali! Tum khush nahi ho is
shadi se?”
“Kya farq parta ha? Wo apne ap se hi na
umeed ho gaya tha.
Unho
ne dekha to Ali kay mobile par Amber ki call aa rahi thi magar us ne attend
nahi ki. “Muje maloom hai kay tum Amber mein kitni dilchaspi rakhte ho lekin
tumhein samjhane ka moqa hi nahi mila.” Unho ne dhere lehje mein kaha. “Ali
zindagi mein sab kuch nahi mil jata. Kuch chizein aesi hoti hain jo chah kar bhi
nahi milti. Kabi kabi dusro kay liye apni khushian marni parti hain. Agar bhai
ki itni tabiyet kharab na hoti to mein un se zaroor bat karti magar ab mein
nahi kar sakti.”
“Mein
Mehlab se shadi kay liye tayar hu.” Us ne bata dia.
Amber ka jab bhi koi message ata wo dekhta magar koi jawab na deta. Wo samjhta tha kay us kay pas alfaz hi nahi rahe jo us se bat karta.
Thori
dair bad us ne diary pakri aur ik page par likha “TERE JANE KAY BAD”.
Jab
bhi kabi barish hoti ha
Mein
pani kay qatroo ko
Apni
hathelion mein par pana deti hu
Mein
apni ankhein mond leti hu
Chehra
asman ki taraf kar leti hu
Dil
mein jitna gubar ho ansuo kay sahare
nikal
deti hu
Phir
barish tham jati hai
Meri
ankhein khul jati hain
Sab
kuch dhul dhula kar saf suthra ho jata ha
Mujhe bhi apne dil ki banjar zameen par
Haryali si mehsoos hoti hai
Phir bhi tum mujh se pochte ho kay
Mujhe barish kyu achi lagti ha?
Us ne rote hue likha. Chand ansu jo
lafzoo par girey the unki waja se siyahi page par phel gai.
Part 6
Amber se jab uski bhabi kay cousin Arman kay sath rishte kay liye uski raye pochi to us ne kaha wo sab ki marzi
mein khush hai. Ab us ne Ali se rabta
karna bhi chor dia tha. Shahzain apni ami kay sath wapis Lahore aa chuka tha
magar Ali abi tak Quetta tha.
Arman Dubai mein rehta tha us ka waha hi business tha or ye bat teh thi kay Amber shadi kay bad us kay sath Dubai chali jaye gi. Us ne hasna bolna chor dia tha. Gum sum rehne lagi thi. Sab usy shadi ki tayarion kay bare mein pochte magar wo har bar yehi keh deti k jo sab ko acha lage wo hi karein.
“Kyu
kisi or se shadi kar rahi ho tum?”
“Ap
ne kyu ki thi?”
“Mein
majboor tha…!” Us ne sir jhukae keh dia.
“Mein
bhi majboor hu.”
“Mere
chachu is dunya se chale gaye hain or unho ne apne akhri waqt mein mujse yehi
manga tha mein kya karta…? Meri khushi sirf tum se hai.”
“In
baton ka koi faida nahi. Ap muje batate to sahi, mein apko kabi na rokti is
shadi se par ap ne to itna aitbar bhi nahi kia muj pr…achanak kuch bole bina hi
kho gaye. Apki khushi jis se bhi ho muje
ab koi faraq nahi parta. Muhabat aitbar ka dusra nam hota hai ap apni majbori
mere sath share karte to mein apka hosla bharati rokti nahii….”
“Tum ye shadi nahi karo. Mein tum se
dusri shadi kar …..”
“Bus
karein…!” Us ne Ali ki bat kati. “Ap kay chacha ne wasiyat mein ye bhi to kaha
ho ga na kay Mehlab ko khush rakhna….us mein bhi bht si batein galat houn gi
magar ap usy samjo ab jab wo apki biwi hai. Achi shadi shuda zindagi guzarne
kay liye muhabat se zyada izat ki zarorat hoti hai usy izat do wo bhi apki izat
kare gi…” Wo bat karte karte ruki. “Ho
sake to mujhe bhula dena. Mere pas apki ik amant ha. Abi Hanan kay hath bhijwa
du gi. Apko apki nai zindagi mubarik.” Apne ansu saf karti wo un kay ghar se
nikli.
Apni
mehndi kay din us ne Hanan kay hath ik diary bhijwai. Wo hi diary jis par Amber
ne sari shayari sirf Ali kay liye likhi thi. Diary kay shiru mein likhe har
lafaz se muhabat barsti thi magar ik page aya jis par likha tha “Tere jane kay
bad” us kay bad ka har lafaz ansuo mein bhiga hua tha.
Tere
jane kay bad
Zindagi
bht weran thi
Dil par hazan ka mosam tha
Wese
mosmo mein bahar thi
Tere
jane kay bad
Mein
bht roi bht tarpi
Kabi
khud se gila kia kabi shikwa
Kia mene tujhse
Tere
jane kay bad
Dil
ko behla phisla kar samjha hi lia
Mushkil tha par khud ko mana hi lia
Sikh lia mein ne ansuo se hasi ko churana
Sikh lia ha mein ne phir se muskrana
Us ne
Amber ki diary band ki or usy khud se laga kar rone laga. Subah uski barat thi.
Wo marriage hall mein gaya Amber usy dekh kar ghabra gai. Dil par pathar rakh kar wo dono kay pas gaya. “Bohat mubarik ho.
Khuda tum dono ko hamesha khush rakhe.” Us ne dono se kaha. Jab wo waha se jane
laga to piche mur kr Amber ko dekha. “Mein Mehlab ko khush rakhu ga hamesha pr
mere khuda is ko hamesha har dukh se dur rakhna” waha se niklte hue nam palko
se us ne Amber kay liye dua ki.
Az
Umeed e Sehar
No comments:
Post a Comment